Ngacmimet mes Argjentinës dhe Francës nuk kanë fund. Dy Kombëtaret u bënë pjesë e një prej finaleve më drithëruese të një Kupe Bote në Katar 2022, por në fund festuan lojtarët latinë pas triumfit me penallti.
Akuza nga dy krahët, pakënaqësi, ironi dhe thumbime gjatë festimeve, por edhe peticione, edhe pse këto të fundit nuk shërbejnë për asgjë në botën e futbollit, por një gjë e tillë nuk ka ndikuar që 500 mijë argjentinas të bëhen në një mendje.
“Francë, boll qave”, është titulli i peticionit online që është bërë viral në shtetin e Amerikës së Jugut, që deri tani ka mbledhur firmën e gjysmë milion njerëzve.
“Që prej kur fituam Kupën e Botës, francezët nuk kanë pushuar së qari dhe ankuari. Ata nuk e pranojnë dot faktin që Argjentina është kampione bote dhe Messia është më i mirë se Mbappe”, shpjegon për Ole’ nismëtari i këtij peticioni.
