Një sulmues shqiptar tek Hajduku i Splitit. Françesko Tahiraj ka kaluar me sukses testet mjekësore dhe ka nënshkruar kontratë me klubin kroat, Hajduk Split, me vlerë deri në vitin 2022.
Fillimisht 22-vjeçari kaloi me sukses testet mjekësore, më pas hodhi të zezën mbi të bardhë.
Pas nënshkrimit të kontratës, Tahiraj u shpreh se është i lumtur me këtë hap në karrierën e tij, pasi kishte shumë dëshirë të nënshkruante me Hajdukun.
Tahiraj vjen nga skuadra sllovene Aluminij, me të cilën ka shënuar 16 gola në 72 ndeshje të kampionatit.
Ai ka qenë pjesë e moshave të Shqipërisë, por nuk është grumbulluar te Shpresa.