Një lajm i rëndësishëm vjen nga Anglia për futbollistin e Napolit dhe të Kombëtares së Shqipërisë, Elseid Hysaj. Sipas “Daily Express”, trajneri i Chelsea-t, Frank Lampard, e ka shqiptarin objektiv kryesor të merkatos për verën e ardhshme.
Në fakt, po sipas kësaj të përditshmeje angleze, 25-vjeçari ka qenë objektiv i bluve të Londrës gjatë 18 muajve të fundit, por bisedimet nuk kanë patur sukses.
Drejtuesit e Chelsea-t po planifikojnë sulmin përfundimtar për të siguruar shërbimet e mbrojtësit sapo të përfundojë pezullimi i merkatos që Chelsea ka marrë si dënim nga FIFA.
Klubi i Premier League-s nuk mund të blejë futbollistë as gjatë merkatos së janarit, kështu që Hysaj mund të zbarkojë në “Samford Bridge” vetëm verën e ardhshme.
