Një nga protagonistët e Kukësit në këtë ecuri pozitive të javëve të fundit është edhe portieri Stivi Frashëri, i cili në “Gol pas Goli” dha opinionin e tij për dy fazat e para të verilindorëve.
“Më vjen mirë që ndihmova ekipin në këto momente pozitive. Jemi grup i konsoliduar. Ndeshja pa spektatorë ka momente kur lojtarët janë pasivë. Duhet të fokusohemi më shumë dhe nuk duhet të lejojmë që në ndeshje të tilla të krijohet panik”.
Përshtatja: Moduli luan rolin e vet. Ne ishim një ekip me lojtarë të rinj dhe donin kohë të përshtateshim. Kemi bërë mirë këto 7 javë. Vetë shokët e mi ndihen mirë në pozicionet ku luajnë. Patëm problem në rezultatet në fillim, nuk morëm ato të prisnim. Të shpresojmë që në fazën e tretë dhe të katër të marrim kryesimin e pse jo të shpallemi kampion.
Sezoni i revanshit? Shpresoj që ky të jetë sezon i revanshit. Ka disa ekipe ku portieri nuk mund të përshtatet dhe nuk mund ta gjejë veten. Te Tirana nuk u përshtata, shpresoj që koha ta tregojë potencialin tim dhe kush jam unë në të vërtetë.