Connect with us

Hi, what are you looking for?

Bundesliga

Freiburg fiton në transfertën ndaj Eintrachtit, ndalet Bayer Leverkusen

Freiburg u rikthye te fitorja duke mundur në transfertë Eintracht Frankfurt në “Deutsche Bank Park” me rezultatin 1-2. Skuadra e Glasner nuk e reflektoi ngarkesën pas ndeshjes me Barcelonën, duke qenë agresive, por golin e gjetën lojtarët e Freiburg, të cilët në të parën mundësi u treguan maksimalisht të saktë me italianin Grifo, i cili gjeti rrugën e rrjetës.

Frankfurt arriti që të gjente golin e barazimit në pjesën e dytë me anë të Filip Kostiç, me serbin i cili shënoi golin e katërt sezonal në kampionat. Në të 69-ën Feiburg ia doli që të rigjente avantazhin, me Petersen, i cili u aktivizua nga stoli dhe shënoi golin e dytë e të fitores.

Frankfurt bëri gjithçka që të mos dilte duarbosh nga kjo përballje, teka ishte i pafat për shkak se goditi shtyllën me anë të Hrustic, ndërsa iu anulua dhe një gol i japonezit Kamada për pozicion të parregullt. Me këtë sukses, Freiburg vijon pretendimet e saj për zonën Champions.

Bayer Leverkusen nuk shkoi më shumë se një barazim pa gola në tranfertën e Bochum. Edhe pse ishin dominues, “aspirinat” e patën të vështirë që të gjenin rrugën e rrjetës.

Në pjesën e dytë Leverkusen pati një mundësi idele për të shënuar me anë të një 11-metërshi, por nuk u tregua i saktë nga pika e bardhë e penalltisë, me rezultatin që nuk ndryshoi deri në fundin e ndeshjes. Leverkusen mbetet në vendin e tretë të Bundesligës me 52 pikë, por i krijon mundësinë ndjekëse të rrisin pretendimet për vendin e tretë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...