Connect with us

Hi, what are you looking for?

Serie A

Frosinone-Lazio dhe Cagliari-Atalanta, java e 22-të mbyllet 3 shqiptarë në fushë!

Futbolli italian nuk mungon në Supersport as të hënën e 4 shkurtit. Sot luhen dy takimet e fundit të javës së 22-të. Vëmendja më e madhe do të jetë te sfida e orës 19:00 pikërisht në derbin e krahinës së Lazios me Frosinonen që do të presë në shtëpi bardhekaltrit e Simone Inzaghit. Lazio duhet patjetër të rikthehet te fitorja në kampionat pasi në 3 ndeshjet e fundit ka marrë vetëm një pikë. Morali në kampin e skuadrës kryeqytetase është i lartë sidomos pas atij kualifikimi të vuajtur në Kupën e Italisë ndaj Interit, ku meritat shkojnë për portierin shqiptar Thomas Strakosha që edhe ndaj Frosinones do të jetë si gjithmonë mes shtyllave. Skuadra e trajnerit Marco Baroni vjen nga një sukses i rëndësishëm ndaj Bolognas dhe ashtu si Lazio i ka të domosdoshme pikët. Parashikohet një duel shumë i fortë në stadiumin Benito Stirpe mes Frosinones dhe Lazios për më tepër që bardhekaltrit do të jenë pa lojtarin e tyre kryesor Milinkovic-Savic. Java e 22-të do të mbyllet me duelin e Sardenjës mes Cagliarit dhe Atalantës një tjetër sfidë që do të kenë mundësi ta ndiqni live në ekranin e Supersport dhe në të cilin janë të përfshirë dy futbollistë shqiptare Etrit Berisha dhe Berat Xhimshiti të cilët pritet të aktivizohen titullarë. Pas atij kualifikimi të madh ndaj Juventusit në Kupën e Italisë bergamskët do të tentojnë një tjetër fitore sot që do t’i barazonte me Romën e vendit të 4-t në kuotën e 35 pikëve.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...