Paris Saint Germain ka dhuruar një tjetër paraqitje spektakolare ndaj Marseilles, këtë herë në Kupën e Francës, ku ka siguruar kualifikimin për në fazën gjysmëfinale.
Vetëm 3 ditë pas sfidës së kampionatit, të fituar nga kryeqytetasit, në ‘Parc Des Princes’ u përsërit i njëjti rezultat, 3-0. Në mungesë të Neymarit, i dëmtuar pikërisht ndaj Marseilles, ka qenë pikërisht Angel Di Maria lideri i PSG-së në sfidën e sotme, duke shënuar dy golat e parë të sfidës, ndërsa Cavana ka vulosur rezultatin 10 minuta nga fundi.
Argjentinasi duket se i ka çuar një sinjal të qartë trajnerit Emery, se duhet të jetë pikërisht ai zëvendësuesi i Neymarit, ndërsa ka qetësuar edhe tifozërinë e PSG-së, në prag të sfidës vendimtare ndaj Realit, në Champions League.