Connect with us

Hi, what are you looking for?

Futboll

FSHF Sunday League/ Katër ekipe për titullin! Oktapus dhe Ferraj fitojnë trofe

Kampionati i futbollit amator 9×9 “FSHF Sunday League”, ka mbërritur në fazën gjysmëfinale. Me katër ekipet që u kualifikuan pas ndeshjeve të turit çerekfinal dhe garojnë për titullin kampion. Sakaq, këtë javë janë luajtur edhe finalet për dy trofetë e tjerë: Kupa Kategoria e Dytë dhe Kupa Oktapus.

Në garën play-off që quhet “Kupa e Kampionit”, janë luajtur katër ndeshjet çerekfinale të këtij edicioni me sfidat që u zhvilluan në fushat e Shtëpisë së Futbollit dhe Tirana United.

Prestige siguroi kalimin për në katërshe, pasi mundi Novan me rezultatin 2-1. Në gjysmëfinale do të ketë përballë FC Dussel. Kjo e fundit u kualifikua pas një ndeshjeje shumë të fortë më ATS, që u mbyll në barazim 0-0. U deshën penalltitë për të përcaktuar ekipin që kalon turin.

Lexo edhe:

Edhe sfida tjetër mes Dajtit dhe Vila L ka qenë tejet e ndezur, teksa u mbyll në barazim 0-0. Nga pika e bardhë e penalltive u treguan më të saktë lojtarët e Vila L, duke triumfuar 4-2. Ndërkaq, Vila L do të sfidojë në gjysmëfinale Kastriotët, që mundën me goleadë KKD 7-2. Ndeshjet e turit gjysmëfinal për Kupën e Kampionit do të luhen më datë 18 maj.

Po këtë javë u luajtëm edhe dy ndeshjet finale, që shpallën fituesit e dy trofeve të tjera të FSHF Sunday League Albania. Kupa Kategoria e Dytë u fitua nga Oktapus që mundi pas penalltive Elso. Koha e rregullt mbaroi në barazim 0-0. Finalja për Kupën Oktapus ishte një tjetër histori. Ferraj mposhti 3-0 Jata Market duke rrëmbyer trofeun.

Gjithashtu, është përcaktuar edhe finalja e FSHF Cup për këtë edicion me ndeshjen Panthers Shkodër-Hidro Alfa. Dueli do të luhet më datën 19 maj.

FSHF Sunday League Albania

Kupa e kampionit

Turi çerekfinal

Prestige-Nova 2-1
ATS-FC Dussel 0-0 (4-5 me penallti)
Dajti-Vila L 0-0 (2-4 me penallti)
Kastriotët-KKD 7-2

Turi gjysmëfinal

Prestige-Dussel dt. 18.05.2023, ora 19:30
Kastriotët-Vila L dt. 18.05.2023, ora 21:00

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...