Tjetër zhgënjim për Lazion në Serinë A, këtë herë në Romë kundër Sampdorias, që edhe pse me një lojtar më pak, arriti të shënonte pas gati 100 minutave lojë, duke u mohuar kënaqësinë e fitores bardhekaltërve.
Do të kishte qenë një fitore e bukur dhe qetësie për Simone Inzaghin, i vënë në shënjestër pas një serie të gjatë barazimesh, por nuk ishte e thënë që Strakosha me shokë t’i gëzoheshin fitores me përmbysje në kohën shtesë.
Sampdoria kaloi ne epërsi që në minutën e 28-të me Quagliarelën dhe u desh të vinte minuta e 79-të që Acerbi të barazonte rezultatin. Në minutat shtesa ndodhi gjithçka. Bereszynksi u ndëshkua me kartonin e dytë të verdhë, duke lënë ekipin gjenovez me një lojtar më pak.
Ciro Immobile shënoi golin e dytë për Lazion në minutën e 6-të shtesë me 11-metërsh, por ku vendësit ishin në kulmin e ekzaltimit, një shpërqendrim i vogël u kushtoi rëndë. Kownacki bëri “torren” për Saponarën, që shfrytëzoi daljen e Strakoshës me një parabël të zgjuar, duke barazuar takimin thuajse në minutën e 10-të shtesë. Për Lazion ky ishte barazimi i katërt radhazi, duke humbur shumë terren me skuadrat kryesuese, madje Milani mund të përfitojë duke u shkëputur me 3 pikë nëse fiton me Torinon.
Lajme të tjera
Champions League
Paris Saint Germain u mposht 2-3 në përballjen e parë çerekfinale të Ligës së Kampionëve ndaj Barcelonës në “parkun e Princave”, megjithatë trajneri Luis...
Serie A
Momente frike gjatë Udinese-Roma, ndeshje ku Evan Ndicka u rrëzua në fushë në minutën e 69-të pasi u ndje keq. Mbrojtësi nga Bregu i...
Lajme
Një thashethem i bujshëm po mbush mediat rozë në Itali, teksa këtë herë protagonistë janë mesfushori amerikan i Juventusit, Weston McKennie dhe motra e...
Bundesliga
Pritjes i erdhi fundi. Bayer Leverkusen është zyrtarisht kampion i Bundesliga-s, me skuadrën e Xabi Alonso-s që bëri detyrën edhe në sfidën e javës...