Fundjava që kaluam nuk ishte shumë produktive sa i takon lojtarëve të kombëtares së Shqipërisë, teksa munguan golat dhe asistet nga legjionarët. Në Angli, Anis Mehmeti luajti 80 minuta në suksesin minimal të Bristol City ndaj Hull City. Në Spanjë Ivan Balliu luajti 90 minuta ndaj Cadiz, por skuadra e tij Rayo Vallecano u mund minimalisht. Në Ligën e dytë, Armando Sadiku luajti vetëm 8 minuta në barazimin 0-0 të Cartagena me Alaves.
Në kampionatin italian, Ardian Ismajli luajti titullar ndaj Napolit por mbrojtësi ishte i pafat duke shkaktuar autogolin që zhbllokoi rezultatin, në ndeshjen që kryesuesit e Serie A fituan 0-2. 90 minuta dhe për Berat Gjimshitin ndaj Milanit, por ekipi bergamask u mund 2-0 në San Siro. Në Serie B, Elhan Kastrati ishte sërish titullar në ndeshjen që skuadra e tij Cittadella fitoi ndaj Ternana në shifrat 1-2, ndërsa Emanuele Ndoj u aktivizua vetëm 26 minuta në ndeshjen Brescia-Bari.
Në Francë, Xhuljano Skuka u aktivuza vetëm në fundin e ndeshjes Metz-Nîmes, ndërsa në Kroaci, Jorgo Pëllumbi, Indrit Tuci dhe Lindon Selahi luajtën pak minuta, duke mos lënë gjurmë.
Në Çeki luajti ndeshjen e parë si titullar Eneo Bitri me Baník Ostrava teksa u aktivizua për 90 minuta por debutoi me humbje Hradec Králové, ndërsa në anën tjetër, Qazim Laçi luajti vetëm 23 minuta në ndeshjen Zlín-Sparta Prague që përfundoi me shifrat 2-3.
Lexo edhe:
- Për herë të parë nga tetori, rekordi negativ i Barcelonës ndaj Almerias
- “Ula rrogën për Leaon”, Ibrahimovic: Gabon kush mendon se do të luaj vetëm 5 minuta
- “Nuk është puna ime të shqetësohem”, Potter: E pranoj që e kam zhgënjyer klubin
- Reja elozhe për Napolin: Është skuadra italiane më e mirë në histori, ecën edhe në Champions
Në Danimarkë, Arbnor Muçolli ishte në fushë për 90 minuta me Vejlen, ndërsa në fundin e ndeshjes Olympiakos (0-0) Panathinaikos pati minuta dhe për Enis Çokajn. Honvéd në Hungari besoi për 90 minuta tek Herdi Prenga dhe Albi Doka.
Sa i takon sulmuesve, Sokol Cikalleshi ishte gjatë gjithë ndeshjes në fushë në kampionatin e Arabisë Saudite mes Al Adalah-Al Khaleej, me kavajasin që nuk arriti të gjente rrjetën, ndërsa në Poloni, Ernest Muçi luajti për 60 minuta në ndeshjen mes Legia arsaë dhe Ëidzeë Łódź që u mbyll në shifrat 2-2.
Ndeshje të plota dhe për Ylber Ramadani në Skoci e Enea Mihaj në Portugali, që festuan fitoret këtë fundjavë. Lajm i mirë vjen nga Gjermania, ku Klaus Gjasula rikthehet pas shumë muajsh mungesë, mesfushori ishte në pankinë në ndeshjen Darmstadt-Hamburg që u mbyll 1-1.
Marash Kumbulla, Kristjan Asllani, dhe Etrit Berisha nuk gjetën hapësira në këtë fundjavë në skuadrat e tyre, ndërkohë që Kastriot Dermaku, Kedi Bare, Armando Broja të dëmtuar janë lojtarët që prej kohësh janë jashtë fushave dhe ende vijojnë periudhën e rikuperimit, ndërkohë që Etrit Berisha dhe Frederik Veseli nuk ishin të grumbulluar nga skuadrat e tyre në ndeshjet e fundit.
Ndeshjet e legjionarëve:
Anis Mehmeti– 80 minuta Bristol City 1 – 0 Hull City
Ivan Balliu- 90 minuta Cadiz 1 – 0 Rayo Vallecano
Armando Sadiku-8 minuta Alaves 0 – 0 Cartagena
Ardian Ismajli– 90 minuta (autogol) Empoli 0 – 2 Napoli
Nedim Bajrami– 83 minuta Leçe 0 – 1 Sassuolo
Berat Djimshiti– 90 minuta Milan 2 – 0 Atalanta
Emanuele Ndoj– 26 minuta Brescia 0 – 2 Bari
Elhan Kastrati– 90 minuta Ternana 1 – 2 Cittadella
Xhuljano Skuka – Pak sekonda në ndeshjen Metz 2 – 0 Nîmes
Jorgo Pëllumbi– 16 minuta Osijek 0 – 1 Varaždin
Indrit Tuci- 15 minuta HNK Gorica 1 – 0 Lokomotiva Zagreb
Lindon Selahi– 45 minuta Rijeka 0 – 1 Slaven Koprivnica
Eneo Bitri– 90 minuta Baník Ostrava 0 – 2 Hradec Králové
Qazim Laçi– 23 minuta Zlín 2 – 3 Sparta Prague
Arbnor Muçolli– 90 minuta HB Køge 0 – 0 Vejle
Enis Çokaj– U aktivizua në fund të ndeshjes Olympiakos 0 – 0 Panathinaikos
Herdi Prenga– 90 minuta Mezőkövesd-Zsóry 0 – 0 Honvéd
Albi Doka– 90 minuta Mezőkövesd-Zsóry 0 – 0 Honvéd
Ernest Muçi– 69 minuta Legia Warsaë 2 – 2 Widzew Łódź
Enea Mihaj– 90 minuta Famalicão 1 – 0 Portimonense
Sokol Cikalleshi– 90 minuta Al Adalah 2 – 0 Al Khaleej
Ylber Ramadani– 90 minuta Aberdeen 1 – 0 Livingston
Kristi Qose– 24 minuta Podbrezová 2 – 2 Zemplín Michalovce
Marash Kumbulla në stol, Etrit Berisha në tribunë, Thomas Strakosha në stol, Kristjan Asllani në stol, Veseli nuk ishte i grumbulluar, Jon Mersinaj në stol.
