Köln ka emëruar Friedhelm Funkel trajner të skuadrës për gjashtë ndeshjet e fundit të sezonit në Bundesliga pasi shkarkoi Markus Gisdol. Ky vendim i drejtuesve erdhi pas rrezikut të shtuar për rënien nga kategoria. Kolni humbi përballjen e drejtpërdrejtë ndaj Mainz me rezultatin 3-2 të dielën në mbrëmje e për rrjedhojë renditet në në zonën e ftohtë, duke mos fituar asnjë nga tetë ndeshjet e fundit në Bundesligë.
Funkel, ish-trajner i Eintracht Frankfurtit u kthye te Koln për një përvojë të dytë pasi ishte trajner i këtij klubi nga shkurti 2002 deri në tetor 2003.