4 takime pa fitore në “Zerqir Ymeri”, 25 pikë në 16 takime dhe vetëm vendi i 4-t në kampionat, ka bërë që trajneri serb Mladen Milinkoviç të largohet nga kampionët në fuqi të Superligës, Kukësi.
Largimi ishte paralajmëruar edhe nga vetë Milinkoviç, në konferencën për shtyp për Supersport, pas humbjes ndaj Luftëtarit, ndërsa në orët e vona të së premtes u konfirmua përfundimisht ndërprerja e marrëdhënies.
Krahas Milinkoviçit, edhe trajneri i portierëve të Kukësit, Ermal Nexhipi lajmëroi largimin nga klubi verilindor, nëpërmjet një statusi në profilin e tij në Facebook.
Gjithashtu, bashkë me trajnerët, pritet edhe një tjetër furtunë në radhët e futbollistëve, ndërsa Krkotic, Memini e Shtubina nuk do të jenë më pjesë e Kukësit, duke u larguar nga skuadra menjëherë pas disfatës më Luftëtarin që shkaktoi një gjenjde kaotike në radhët e kampionëve në fuqi.