Dominimi në futbollin shqiptar nuk është i mjaftueshëm që Vllaznia e femrave të lerë shenjë edhe në arenën ndërkombëtare. Një vit më parë shkodranet triumfonin me rezultatin 1-0 ndaj të njëjtit kundërshtari, por sot, vajzat kuqeblu e kanë nisur si mos më keq aventurën e tyre në Champions League, pasi starti ka qenë mjaft negativ, teksa janë mundur 5-0 nga Sarajevo. Skuadra boshnjake është pritëse e grupit 8 dhe i luan ndeshjet në shtëpi.Të besuarat e teknikut Nikolin Leka u ndëshkuan dy herë në pjesën e parë me Bojat që realizoi në minutën e 27-të, ndërsa vetëm pak sekonda para fundit të pjesë së parë ka qenë Spahiç që ka dyfishuar.Në fraksionin e dytë boshnjaket kanë shënuar dhe tre herë të tjera me Kameriç, Hadzhiç dhe Djokoviç.Vllaznia ka ende shanse për kualifikim, por i duhet që të bëjë me çdo kusht mirë në dy ndeshjet e radhës. Në datën 10 skuadra shkodrane do të luajë ndaj ekipi estonez të Parnu Jalgpalliklubi dhe tre ditë më vonë do të sfidojë moldavët e Aneni Noi.