Connect with us

Hi, what are you looking for?

Lajme

Futboll plot ngjyra, “Tulipanët” magjepsin ndaj Ukrainës

Duhet të vinte mbrëmja portokalli që Euro 2020 të dhuronte sfidën e saj më të bukur deri në këto momente . “Tulipanët” çelën sërish në futbollin ndërkombëtar me një 3-2 ndaj Ukrainës, që për shumë minuta u përpoq të luante e barabartë ndaj holandezëve dhe ia doli mbanë dhe sa i përket spektaklit të finalizimit, por dhe përmbysjes.

Wijnaldum, Weghorst dhe Dumfries ishin ata që në “Cruyff Arena” sollën fitoren e holandezëve ndaj një Ukraine që ishte e bukur për t’u parë siç ishte dikur në fushë dhe trajneri i saj Shevchenko. Ndeshja në fakt ishte e çuditshme që nuk prodhoi një gol në pjesën e parë, pasi ritmi ishte shumë i lartë dhe aksionet të vrullshme, megjithatë mungoi saktësia përpara portës.

Holanda, dukshëm me më tepër lojtarë cilësor se Ukraina, si zakonisht, u duk se e zgjidhi takimin në fillimin e fraksionit të dytë, kur fillimisht kapiteni Wijnaldum u dha epërsinë të tijve në të 52-tën, duke shfrytëzuar aksionin rokambolesk në zonën ukrainase.
Goli i dha sigurinë e lojës Holandës, por portokallinjtë kërkonin dhe qetësinë e rezultatit dhe u duk se e gjetën kur sulmuesi i Wolfsburgut, Weghorst shënoi golin e 2-0.
Holanda gaboi që “fjeti mbi tulipanë” dhe Ukraina u ndihmua dhe nga siluri i Yarmolenkos, që gjeti këndin e portës, për një rihapje takimi spektakolare.
Gabimi i Holandës, si gjithmonë, është qetësimi i parakohshëm dhe Ukraina e shfrytëzoi 4 minuta më pas për të gjetur golin e 2-2 me Yaremchukun, që zverdhi portokallinjtë.
Emocionet megjithatë nuk kishin fund dhe Holanda gjeti karakterin e minutave të fundit për të rrëmbyer fitoren me golin e Dumfrisit.

 

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...