Kategoria Superiore

Futbolli rikthehet në fundjavë, FSHF publikon kalendarin

Pas ndërprerjes fundjavën e shkuar, për shkak të tronditjes që shkaktoi tërmeti kryesisht në zonën e Durrësit dhe Tiranës, Kategoria Superiore do t’i rikthehet normalitetit këtë fundjavë me ndeshjet e javës së 14.

Kështu FSHF ka miratuar kalendarin, me ndeshjet që do të ndahen në dy ditë të ndryshme, të shtunë dhe të diel, ndërsa shpresohet që “Niko Dovana” të jetë liruar nga çadrat e ndërtuara për të pastrehët.

Gjithçka do të startojë në orën 13:30 të të shtunës, Ku Partizani do të udhëtojë në Ballsh, për t’u përballur me Bylisin surprizë të sezonit. Mallakastriotët vijnë pas dy humbjeve radhazi, ndaj Skënderbeut dhe Kukësit, ndaj do të kërkojnë kthesën, por kampionët në fuqi janë në një moment të mirë dhe duan vazhdimësinë.

Po në të njëjtën orë, Luftëtari do të luajë një nga shanset e fundit për të mbetur në vallen e mbijetesës, teksa do të presë në Gjirokastër Vllazninë e Shkodrës. Gjirokastritët kanë vetëm 8 pikë në renditje dhe skuadra para tyre është pikërisht Vllaznia me 17, ndaj fitorja mund të rriste ndjeshëm shanset e vendasve.

Por nga ana tjetër shkodranët pretendojnë diçka më shumë se mbijetesa këtë sezon dhe e dinë mirë që për t’ia dalë, do të duhet të kthehen me pikë të plota nga kjo transfertë, pavarësisht mungesave që shqetësojnë trajnerin Jonuz.

Sfida më e rëndësishme e javës do të jetë ajo e të shtunës në orën 16:30, mes Tiranës dhe Kukësit, që do të zhvillohet në stadiumin “Selman Stërmasi” të kryeqytetit. Të dy këto skuadra janë ndërtuar për të fituar titullin kampion, por ndonëse janë ende në garë për t’ia dalë, nuk kanë arritur rezultatet e duhura në këto javë të para.

Kështu bardheblutë nuk po gjejnë rehat as me Julian Ahmatajn në pankinë, që në 4 javë ka regjistruar një fitore, dy barazime dhe një humbje, ndaj përballë verilindorëve fitorja është detyrim, për të mos lejuar që Partizani të shkëputet.

Dy takimet e tjera do të luhen të dielën, ku Laçi do të presë Flamurtarin në shtëpi, në një sfidë ku do të kërkojë të lërë pas krahëve humbjen ndaj Partizanit dhe të rikthehet menjëherë te fitorja.

Në orën 16:30 të së dielës, vëmendja do të jetë në “Niko Dovana”, ku Teuta do të presë Skënderbeun, në një ndeshje që pritet të largojë sadopak vëmendjen nga ditët e tmerrshme të pas tërmetit dhe të sjellë sadopak argëtim në qytetin bregdetar.

Autostop Albania, tregu i makinave me i madh per makina ne shitje ne shqiperi, makina ne shitje, makina me qera ,kerkoj makine, kerkoj makina, makina ne shitje, shes blej makina, servis makinash,makina ne shitje,autostop makina, makina ne shitje, kerkoj makine,kerkoj makina okazion,karrotrec, makina.

autostop.al

makina ne shitje, makina me qera, servise, pjese kembimi, tregtar makinash,kerkoj makina,tregu i makinave ,tregu makinave shqiperi,tregu makinave,autostop albania,porsche cayenne me qera, makina per shitje ne tirane,auto a1 albania, auto a1 tirane, shes makina, auto shitje hertz albania makina ne shitje shijak, shes blej, porsche albania, oferta makina per shitje shqiperi ,makina ne shitje ne shqiperi, makina ne shitje, makina ne shitje okazion, makina ne shitje ne gjermani, makina blej makina, makina ne shitje gjermani, makina gjermane ne shitje, ford albania, pjese kembimi te perdorura, pjese kembimi kadiu, pjese kembimi per makina benz

Më të lexuarat

To Top
Evolve Web Agency Evolve Web Agency