Interi mposhti Spalin 2-1 dje pasdite, falë një dopiete të Lautaro Martinez dhe mori kreun e renditjes në kampionatin italian, duke përfituar edhe nga hapi fals i Juventusit, që u ndal në barazim 2-2 nga Sassuolo në “Allianz Stadium”.
Si një grup i vërtetë, me lojtarë që sakrifikojnë gjithçka për njëri-tjetrin dhe skuadrën në fushë, futbollistët e Interit po shfaqen po kaq të bashkuar edhe jashtë fushës së lojës, gjë që u pa qartë edhe në përfundim të takimit të djeshëm.
Kështu të gjithë futbollistët zikaltër u mblodhën mbrëmë për të darkuar bashkë dhe për të festuar ngjitjen në vendin e parë, si dhe për t’u dhënë një sinjal kundërshtarëve se ata janë gjithmonë bashkë dhe gati të synojnë objektiva madhorë.
Kjo nuk është hera e parë që futbollistët zikaltër mblidhen për të darkuar me njëri-tjetrin ,pasi një veprim të ngjashëm e kanë bërë edhe pak ditë para startit të sezonit në Milano.