Connect with us

Hi, what are you looking for?

Angli

Futbollisti anglez del hapur: Le të më njohin të gjithë, jam gay!

“Dua që të gjithë të njohin versionin tim të vërtetë, jam gay”, janë këto fjalët e Jake Daniels, futbollistit 17-vjeçar të Blackpool, klub i Championship në Angli. Sulmuesi që në këtë sezon debutoi me skuadrën e parë të Blackpool, nëpërmjet faqes zyrtare të klubit ka gjetur hapësirën për të komunikuar të vërtetën e tij.

“Sa i takon fushës së lojës, ky sezon për mua ka qenë fantastik. Firmosa kontratën e parë si profesionist, ndërsa në sektorin e të rinjve shënova 30 gola duke arritur shumë suksese. Por, sa i përket aspektit jashtë fushës së lojës, unë kam fshehur veten time të vërtetë. Kam gjithë jetën time që e di se jam gay dhe tani mendoj se jam gati ta ndaj këtë me të gjithë. Për të guxuar dhe zbuluar seksualitetin tim jam inspiruar nga sportistë si Josh Cavallo, Matt Morton apo edhe atletë të tjerë. Kam mbështetje të madhe nga familja, klubi dhe menaxheri im.

Edhe shokët në sektorin e të rinjve janë treguar mbështetës dhe më kanë shtyrë të flas të vërtetën para të gjithë botës. E urreja faktin se duhet të gënjeja dhe të fshihesha për të gjithë jetën. Unë dua të jem një model, ndoshta ka nga ata të cilët nuk ndihen rehat për të folur të vërtetën. Por, i them të gjithëve të mos ndryshojnë dhe të tregohen vetvetja, kjo është më e rëndësishmja”, u shpreh Daniels.

Sakaq, Daniels është futbollisti i parë që flet hapur për seksualitetin e tij nga viti 1990, teksa në atë kohë ishte Justin Fashan, ish-lojtari i West Ham.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...