Dy futbollistët e talentuar të kombëtares angleze Phil Foden dhe Mason Greenwood kanë shkelur rregullat e karantinës dhe kanë ftuar dy vajza në hotel në Reikjavik, në përfundim të ndeshjes me Islandën.
Në fotot dhe videot e publikuara nga vajzat në “Snapchat”, njihen qartë dy futbollistët e talentuar, ndërsa pas reagimit të mediave, trajneri anglez Gary Southgate ka vendosur t’i përjashtojë nga skuadra për ndeshjen e radhës.
Phil Foden 20-vjeçar është pjesë e Manchester Cityt dhe është i fejuar me Rebecca Cooke, me të cilën ka edhe një djalë 2-vjeçar, ndërsa 19-vjeçari Greenwood luan me Manchester United dhe është zyrtarisht “single”.