Kampionati Kombëtar i Futsallit 2022-2023, që organizohet nga FSHF është në javën e shtatë. Gara po bëhet gjithnjë e më interesante dhe rivaliteti mbetet i lartë mes skuadrave pjesëmarrëse.
Sfida kryesore ka qenë ajo mes Flamurtarit dhe Tiranës, dy ekipeve kryesuese. Takimi u luajt në Vlorë. Ndeshja ka qenë mjaft e balancuar deri në fund me vlonjatët që kanë arritur të triumfojnë me rezultatin e ngushtë 3-2.
Tri pikë që e vendosin Flamurtarin të vetëm në krye të renditjes, me 18 pikë pas javës së shtatë. Tirana Futsal vjen e dyta me 15 pikë, po aq sa Vllaznia e vendit të tretë. Ekipi shkodran mori një fitore me goleadë në shifrat 12-4 ndaj Diamant Futsal në transfertë.
Lexo edhe:
- Duro drejt rikthimit në stol, pranë akordit me kryesuesit e kampionatit
- “The Best FIFA Football Awards”, si votuan kapitenët dhe trajnerët e Shqipërisë dhe Kosovës
- Votoi Messin dhe jo Benzema, tifozët e Realit “kryqëzojnë” mbrojtësin
Sa i përket renditjes, Diamanti mbetet aktualisht në vendin e katërt me 12 pikë. 1 Maji u mund në shtëpi nga Forcat e Armatosura Futsal me rezultatin 3-0, që pas këtij suksesi shkojnë në kuotën e 9 pikëve në vendin e pestë.
Pas tyre në vendin e gjashtë është Eagles Land, që ka 3 pikë, por me një ndeshje më pak. Renditjen e mbyll FC Olimpik 1 Maji. Më poshtë, rezultatet e javës së shtatë dhe renditja e Kampionatit Kombëtar të Futsallit 2022-2023:
