Galatasaray nuk kënaqet me dyshen Dries Mertens-Lucas Torreira. Zbarkimi i goleadorit belg dhe “luftëtarit” uruguaian në Stamboll krijoi entuziazëm të madh te tifozët e zjarrtë të Galatasarayt.
Drejtuesit e klubit turk nuk kanë ndërmend të ndalen dhe po tentojnë shërbimet e Andrea Belottit, lojtar i lirë pas përfundimit të kontratës me Torinon. 28-vjeçari ka marrë disa oferta nga Premier League.
Sulmuesin e do edhe Jose Mourinho te Roma. Mediet italiane raportojnë për një akord mes tij dhe klubit verdhekuq mbi bazën e një kontrate 3-vjeçare me 3 milionë euro në sezon.
Zyrtarizimi po vonon dhe 22 herë kampionët e Turqisë po synojnë ta bindin për ta transferuar në “Nef Stadium”. Roma duhet të nxitojë, pasi drejtuesit e Galatasarayt kanë nisur bisedimet me agjentin e sulmuesit italian (44 ndeshje dhe 12 gola me kombëtaren e kaltër).
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
