Mbrëmjen e djeshme në Itali shpërthyen sërish polemikat ndaj VAR-it dhe vendimeve të arbitrave mbi mënyrën se si dhe kur duhet të përdorin teknologjinë ndihmëse, veçanërisht pas episodeve në Napoli-Atalanta.
Megjithatë për të dhënë një mendim mbi teknologjinë në ndihmë të arbitrave, është pyetur edhe ish Administratori i Deleguar i Milanit, Adriano Galliani, i cili aktualisht mban të njëjtin pozicion te Monza.
“Le të themi që unë bëj pjesë te ata që janë në favor të VAR-it, pasi ndihmon shumë në korrigjimin e vendimeve të arbitrave. Është një risi dhe si e tillë ka nevojë të përmirësohet, por mendoj se po të aplikohej në 2012-ën, Milani do të fitonte atë titull dhe ndoshta ndonjë tjetër më vonë”, tha Galliani.
Më pas ish drejtuesi i klubit kuqezi u rikthye të flasë edhe për pronësinë e re të skuadrës, duke zbuluar se Rocco Commisso ishte pranë blerjes së Milanit, pro kinezi Yonghong Li refuzoi ta shesë dhe pak ditë më vonë humbi aksionet.
“Jam i keqardhur, pasi Rocco Commiso ishte vetëm një hap larg blerjes së Milanit, por nuk e kuptova më pas, pse Yonghong Li nuk e shiti dhe të mbetej sërish aksionet. Të mendosh që pak ditë më vonë dorëzoi gjithçka te Elliot”, u shpreh Galliani.