Connect with us

Hi, what are you looking for?

Itali

Gara për mbrojtësin e Genoas, Juventus “trondit” Interin dhe Atalantën

Juventusi tani po udhëheq garën për të nënshkruar me mbrojtësin e Genoas, Andrea Cambiaso, duke lënë pas Atalantën dhe Interin.
22-vjeçari kërkohet nga shumë klube dhe tashmë pas rënies në Serie B, Genoa e ka thuajse të pamundur ta mbajë mbrojtësin.

Të interesuar për Cambiason janë Sassuolo, Bologna, Salernitana dhe Sevilla, ndërsa Interi pati një takim me agjentin e tij, por pa vendosur gjë.
Atalanta ishte bërë pretendente e fortë gjatë ditëve të fundit, por tani nga mediet italiane raportohet se Juventus ka fituar më shumë terren.

“Zonja e Vjetër” ofron 3 milionë euro plus një lojtar nga akademia e të rinjve në këmbim për kartonin e 22-vjeçarit.

Nëse Interi nuk reagon shpejt me një ofertë më të mirë, atëherë “bardhezinjtë” do të përpiqen të mbyllin sa më shpejt afrimin e Cambiaso, madje mund ta mbyllin çështjen brenda kësaj jave.

Mbrojtësi i Genoas bëri 26 paraqitje në Serie A këtë sezon, duke shënuar një gol dhe duke dhënë katër asist.
Cambiaso ishte i huazuar te Empoli në sezonin 2020-2021, sezon pas të cilit ata u ngjitën në elitën e futbollit italian.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...