Pas figurës së shëmtuar që bëri në ndeshjen e fundjavës së kaluar ndaj Veronës, Milani rikthehet në fushë këtë të shtunë për të ndërruar faqe. Ndaj Atalantës nuk do të jetë aspak e thjeshtë dhe këtë e di mirë trajneri Genaro Gattuso i cili në konferencën për shtyp përpara kësaj sfide ka ngritur zërin.” Kjo skuadër ka nevojë për më shumë helm, në sensin që të gjithë duhet të japin më shumë dhe të tregojnë grintën e tyre në fushë. Nuk e kam menduar kurrë dorëheqjen ndërsa grumbullimi në Milanello gjatë këtyre ditëve besoj se na ka bërë mirë. Bonucci? Merr gjithmonë përgjegjësitë, ai është një shembull. Atalanta? Është një skuadër e fortë nuk të lejon asnjë centimetër hapësirë, do të jetë një ndeshje e vështirë për ne”, deklaroi Genaro Gattuso.
