Genaro Gattuso po përgatitet të marrë fitoren e tij të parë në Serinë A, si trajner, në takimin e të dielës, Milan-Bologna. Kuqezinjtë nuk po kalojnë një moment aspak të mirë, pas shkarkimit të Montellas, duket se as Gattuso nuk e kishte recetën e suksesit në 2 takimet e para.
Për sfidën ndaj emilianëve, trajneri i Milanit po konsideron seriozisht kalimin te skema me 4 mbrojtës,ashtu siç kaq bërë kur ka qenë te Pisa. Kështu Gattuso po planifikon të luajë me dyshen Bonucci-Musacchio në mbrojtje, ndërsa vija e sulmit do t’i besohet lojtarëve si Suso, Kaliniç dhe Borini.