Përjashtimi i Allan nga sfida me Cagliarin është një tjetër sinjal që mesfushori brazilian i ka ditët e numëruara te Napoli. Në janar ishte pranë një shkëmbimi mes tij dhe Vecinos, por operacioni nuk u konkretizua ndërsa situata më e fundit ka rikthyer zërat për kalimin e tij te Interi.
Allan pëlqehet shumë nga Conte me të cilin trajneri zikaltër do të kompletonte mesfushën, por Napoli nuk bën lëshime dhe e vlerëson të paktën 50 milionë Euro. Në verë të dyja klubet do të kenë më shumë kohë dhe buxhet në dispozicion ndaj dhe shanset janë të mira për transferimin e 29-vjeçarit te zikaltërit.