Valencia e Gennaro Gattusos fitoi 2-1 miqësoren ndaj Atalantës, ndërkohë që trajneri italian ka humbur një nga lojtarët më të rëndësishëm të skuadrës. Goncalvo Guedes do të transferohet në Premier League te Wolves.
25-vjeçari është pjesë e kombëtares portugeze, teksa “Ujqit” kanë ofruar rreth 32 milionë euro për kartonin e tij. Për sulmuesin e majtë luzitan u interesua edhe Roma e Jose Mourinhos.
“Drejtuesit më telefonuan dhe më shpjeguan situatën e Guedes. Një klub anglez ka zyrtarizuar një ofertë shumë të lartë ekonomike dhe ne duhet ta pranojmë… Sigurisht që do të bëjmë diçka për të përmirësuar grupin.
Jam shumë i zemëruar, sepse pas një ndeshje kundër një ekipi të madh si Atalanta ne rrimë e merremi me Guedes! Ju kuptoj, por klubi nuk mund të refuzonte shumën që u ofrua për lojtarin”, deklaroi tekniku i Valencias.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
