Trajneri i Partizanit Skënder Gega e ka vlerësuar në këtë mënyrë paraqitjen e skuadrës së tij në sfidën ndaj Kastriotit ndërkohë që ka theksuar se kushtet e fushës ishin skandaloze dhe penalizuan jo pak të kuqtë.
“Është ndeshje që normalisht ka problemet e veta. Fusha ishte jashtë çdo norme për të dy ekipet. Për fat të mirë çunat e kanë marrë seriozisht ndeshjen. ”
Po nëse vini për kampionat këtu dhe janë të tilla kushte?
“Do të bëjmë atë që bëjnë të gjithë. Ne i kemi pranuar këto kushte. Shpresoj që të rregullohen kushtet.”
Sinjale pozitive nga Hebaj dhe Rexhepi, je i kënaqur?
“Është ëndeshje kupe dhe mendova se një pjesë nuk e ka marrë minutazhin që duhet, kështu që vendosa të aktivizohen.”
Merkato mbetet e hapur…
“Klubi po punon, është pjesa e rëndësishme e merkatos. Do të shikojmë se çfarë do të ndodh.”
Sa i kënaqur je me rinovimin?
“Kur kam ardhur nuk kam premtuar se do të jem afatgjatë. Jam i kënaqur dhe i lumtur. I jam mirënjohës klubit, lojtarëve dhe presidentit.”
Filloi Partizani të besoj te titulli?
“Është punë e përbashkët, të gjithë besojmë te njëri-tjetri. Grupi po plotësohet, janë në gjëndje optimale.”
E shikoni skuadrën gati për ndeshjen e së premtes?
“Faza përgatitore ishte e mirë. E respektojmë Skënderbeun”
