Në konferencën për shtyp para ndeshjes së parafundit të sezonit, me Kukësin në “Selman Stërmasi, trajneri i Partizanit, Skënder Gega paralajmëroi se ndaj ekipit që ka rivalizuar për titullin me të kuqtë do të luajë formacioni më i mirë i mundshëm.
“Kukësi ka qenë rivali ynë konstant, megjithëse asnjëherë para nesh. Edhe pse e kemi fituar trofeun, e kemi vlerësuar ndeshjen. Do të luajmë me grupin më të fortë që kemi. Dua të kënaqim tifozët si dhe do të mundohemi të respektojmë rivalin. Duhet ta shijojmë ndeshjen. Lojtarët që janë te Kombëtarja do të bashkohen me ne sot. Grupi do të jetë më i fortë me ta. Jemi profesionistë dhe stërvitemi për të treguar vlerat, sikurse kemi bërë gjatë gjithë vitit”
Formacioni i mundshëm: Nuk e kemi vendosur akoma, por do të mundohemi të respektojmë atë grup që e ka sjellë Partizanin deri këtu, e meritojnë. Bonuset ndahen në fund.
Të kuqtë në Kombëtare: Zbori i Kombëtares është pozitiv, djersa e lojtarëve është shpërblyer. Ata kanë marrë frytet e punës së tyre. Jemi të kënaqur, ashtu si edhe shokët e tyre. Me rëndësi është që Reja sheh kampionatin dhe duhet t’i japë secilit atë që i takon. Sa i përket Asanit, mund të them se nuk ka ndikuar. Çdo lojtar me pasaportë shqiptare ka të drejtë të dëshirojë të bashkohet me Kombëtaren, sidomos kur ka realizuar edhe gola. Megjithatë, është zgjedhja e Rejas.