Erdhi verën e kaluar mes skepticizmit të analistëve sportivë, por Gervinho arriti t’i bindë të gjithë te Parma, duke u shndërruar menjëherë në liderin e skuadrës dhe duke qenë një titullar i padiskutueshëm në formacionin e Roberto D’Averssës.
Pikërisht për këtë arsye, drejtuesit e klubit kanë vendosur t’i rinovojnë kontratën edhe me një tjetër vit 32-vjeçarit nga Bregu i Fildishtë, që tani do të jetë i lidhur me klubin emilian deri në verën e vitit 2022, kohë kur pritet të jetë 35 vjeç.
Gervais Yao Kouassi, apo i njohur si Gervinho më herët ka qenë pjesë edhe e skuadrave si Lille, Arsenal, Roma dhe Hebei në Kinë, ku qëndroi për dy sezone, para se të rikthehej në kampionatin italian me Parmën.