Këngëtari i njohur italian, Gigi D’Alessio njihet si një tifoz i flaktë i Napolit, skuadrës së qytetit të tij të lindjes.
Pikërisht për këtë arsye, është pyetur në Radio Italia, se çfarë u duhet napolitanëve, që të arrijnë nivelin e Juventusit, por përgjigja ka shkaktuar menjëherë polemika.
“Për të arritur nivelin e Juventusit, Napoli duhet të blejë njëherë një arbitër”, tha D’Alessio, i cili vijoi mendimin e tij, duke thënë se napolitanëve u mungon vazhdimësia.
Batuta e këngëtarit napolitan vjen në një moment kur zërat se arbitrat në Itali favorizojnë Juventusin, janë gjallëruar, veçanërisht pas mosakordimit të asaj penalltie flagrante në sfidën e të shtunës ndaj Milanit.