Ftesa për Leart Paqaradën, i cili luan me St Paulin në Gjermani, nuk do të jetë risia e vetme në listën e Kosovës për ndeshjet e radhës në Nations League. Trajneri francez, Alain Giresse, sipas informacioneve që kanë siguruar gazetarët e SuperSportit në Kosovë, ka vendosur t’u dërgojë ftesë edhe dy lojtarëve të Ballkanit, Lindon Emërllahu dhe Lumbardh Dellova.
Një shpërblim për arritjet e këtyre futbollistëve me ekipin nga Suhareka, kampion në fuqi i Kosovës dhe pjesëmarrës në fazën e grupeve të Conference League. Emërllahu dhe Dellova kanë spikatur në fazat eliminatore në Kupat e Europës, duke nisur nga Championsi, Europa League e deri te play off-i i Conference League. Emrat e sipërpërmendur kanë qenë pika kyçe në formacionin e Ilir Dajës në këtë sukses të paimagjinuar më parë për skuadrat e Superligës së Kosovës.
