Fitorja 5-1 ndaj Qipros, për trajnerin e Kosovës Alain Giresse ndodhi si rezultat i një loje të mirë.
Duke folur pas këtij takimi, tekniku theksoi se edhe me Irlandën e Veriut u bë një lojë e mirë, përtej rezultatit që u mor në fund.
“Kemi bërë lojë të mirë edhe në Irlandë të Veriut, por në fund humbëm. Jemi përgatitur mirë për Qipron, lojtarët i janë përmbajtur planit dhe ishin efikas. Kjo solli fitoren e thellë”, ka thënë Giresse.
Ai shtoi se ky takim kishte ritëm dhe efikasitet dhe ndjehet i lumtur për këtë.
“Ishte një lojë shumë e mirë. Na ka kënaqur të gjithëve, kishte ritëm dhe efikasitet”,-ka shtuar tekniku francez.