Përputhen të dhëna, karakteristika dhe deklarata. Duket e pamundur të gabohet, ka një kandidat shumë të fortë për sulmin e Interit në janar dhe të gjitha rrugët të çojnë te Olivier Giroud, në skadencë kontrate me Chelsea-n, ku duket se nuk është më pjesë e projektit të Frank Lampard. Një situatë aspak komode për një sulmues që u shpalll kampion bote vetëm 16 muaj më pare, në Rusi, dhe që synon që të jetë pjesë e ekspeditës franceze për Europianin e vitit 2020.
Aktualisht, është pjesë e Francës dhe të dielën do të jetë në Tiranë, por për të qëndruar te “Gjelat” sa më gjatë, lamtumira ndaj Chelsea-t duket e paevitueshme.
Giroud duket se ka gjithçka për të kënaqur Conten: eksperiencë ndërkombëtare, nuhatje goli, një karton të arritshëm për klubin dhe karakteristika fizike dhe teknike që e bëjnë një zëvendësues perfekt të Romelu Lukakut. Perveç këtyre, sulmuesi ka qenë nën urdhrat e Contes pikërisht në muajt e tij të fundit si trajner i Chelsea-t.
Kartoni i lojtarit pritet të mos kushtojë më shumë se 6-7 milionë euro, ndërsa pengesa e pagës mund të tejkalohet me një konfirmimin e asaj që ka aktualisht, 8 milionë euro në vit, por duke shtyrë kohëzgjatjen e përfitimit të kësaj shume në 18 muaj kontratë.