Mesfushori i talentuar italian Sandro Tonali bëri realitet ëndrrën e tij të veshë fanellën e ekipit të zemrës, Milanit, teksa në prezantimin si futbollist i kuqezinjve, krahas prindërve dhe drejtuesve të klubit, kishte në krah edhe të fejuarën Giulia Pastore.
Kjo e fundit është prej kohësh në marrëdhënie me mesfushorin, ndërsa ditën e djeshme ka zgjedhur rrjetet sociale për ta uruar Tonalin për kalimin te Milani dhe për t’i shprehur gjithë mbështetjen e saj.
“Krenare pafund për ty dhe objektivin që ke arritur, sepse ti meriton gjithë lumturinë e kësaj bote. Do jem gjithmonë dhe kudo në krahun tënd, ndaj mund të mbështetesh te unë”, shkroi bukuroshja italiane.