Objektivi i Napolit për sezonin e ardhshëm është që të përforcojë repartin e sulmit. Drejtori sportiv i të kaltërve, Cristiano Giuntoli, u zhvendos nga Madridi në Valencia për të nisur tratativat me klubin nga Mestalla për kartonin e Rodrigos.
Sulmuesi i intrigon jo pak italianët, pasi konsiderohet një përforcim ideal për repartin e avancuar. Giuntoli, pas takimit me presidentin e Real Madridit, Florentino Perez, për James Rodriguez, është takuar edhe me drejtuesit e Valencias, duke u bërë të qartë interesin për 28-vjeçarin, që pëlqehet shumë nga trajneri Ancelotti.
Rodrigo, këtë sezon, në 51 ndeshje me fanellën e Valencias ka realizuar 15 gola.