Gjermania e rinovuar e Joakim Low nuk shkoi më shumë se një barazim 1-1 në miqësoren e zhvilluar në “Woklswagen Arena” të qytetit të Wolfsburgut. “Pancerat” e panë veten në disavantazh që në minutën e 10’, pas golit të shënuar nga sulmuesi serb i Eintrachtit të Frankfurtit, Luka Joviç.
Ky i fundit konfirmoi sërish edhe te kombëtarja serbe, formën mjaft të mirë që po kalon, ndërkohë që menaxherët e tij po negociojnë një transferim te Barcelona.
Reagimi i të besuarve të Low ishte i menjëhershëm dhe Gjermania arriti të godasë disa herë portën, por baraspesha erdhi vetëm në minutën e 69’, kur shënoi ylli i Bayernit të Mynihut, Leon Goretzka.
Ky ishte testi i parë për vitin 2019 i Gjermanisë, që 4 ditë më vonë do të luajë ndeshjen e parë zyrtare, përballë Holandës në transfertë, të vlefshme për eliminatoret e Euro 2020-ës.