Fundjavë festive në futbollin bullgar. Në ndeshjet e zhvilluara të hënën për shkak të festës së pashkëve Ortodokse të cilat festohen gjerësisht në vendin ballkanas, për numrin e madh të popullsisë që është e besimit Ortodoks, drejtuesit e Federatës kanë aplikuar një gjetje gjeniale, sa unike aq edhe të bukur.
Në ndeshjet e kampionatit, kapitenët e dy ekipeve nuk zgjidhnin nga një monedhë, por kishin nga një vezë secili dhe ai që i thyente vezën tjetrit zgjidhte portën ose topin.Një ide mjaft speciale dhe e veçantë. Pamjet që ju kemi sjellë më poshtë janë përpara se të niste takimi i djeshëm mes Botevit dhe CSKA-së së Sofies, skuadër me të cilën luan edhe ish-sulmuesi i Skënderbeut, Ali Sowe.
