Partizani dhe Kukësi u ndanë në një barazim pa gola, ndërsa dy presidentët Gazmend Demi i “Të kuqve” dhe Safet Gjici i verilindorëve, u ndalën para mikrofonit të Supersport, për të komentuar në mënyrën e tyre 90 minutat e sotme.
“As i kënaqur, as i zhgënjyer, pasi u dëmtua edhe Shkurtaj. E nisëm pjesën e parë mirë, por për të dytën nuk jam i kënaqur. Lojtarët janë aty, nuk di çfarë të them. Nuk është faji im. Vetëm 10 ndeshje janë luajtur dhe jemi në garë për titull”, deklaroi Gjici.
“E patë vetë që meritonim diçka më shumë. Më pëlqen më shumë tani Partizani. Asani është një nga të mirët dhe nuk ka çështje në klubin tonë. Ndoshta ka qenë pak i vrarë, ose është zgjedhje teknike. Për titullin ka kohë, pasi është fillimi”, deklaroi Demi.