Presidenti i Kukësit, Safet Gjici nuk e ka fshehur zhgënjimin për humbjen e skuadrës së tij në Korçë ndaj Skënderbeut, por në intervistën e dhënë për Supersport, theksoi edhe njëherë se verilindorët do të luajnë për të fituar titullin kampion të Shqipërisë.
A jeni i zhgënjyer pas ndeshjes së sotme?
Patjetër që jam i zhgënjyer, përderisa nuk arritëm objektivin, që ishte fitorja.
A mbetet titulli kampion, objektivi i Kukësit?
Patjetër. Është i vetmi objektiv dhe nuk lëvizim në qëndrimin tonë. Do të synojmë të fitojmë titullin.
Rivali më i fortë duket se mbetet Skënderbeu…
Nuk ka rivalë të fortë dhe të dobët. Janë të gjithë kundërshtarë për t’u mundur në fushën e lojës.
