Intervista e presidentit të Kukësit Safet Gjici, dhënë për emisionin “Gol pas Goli” në Supersport, pas fitores së verilindorëve me rezultatin 1-0, përballë kampionëve në fuqi, Partizanit.
Si e patë ndeshjen e sotme ndaj Partizanit?
Ishte ndeshje e vështirë, të cilën Partizani mund ta barazonte, por fati ishte me ne. Ekipi nuk është ende në formën e vet më të mirë dhe disa lojtarë ende nuk janë futur me ekipin, por me rëndësi ishte që e nisëm mbarë.
Sa i kënaqur jeni nga ekipi?
Jam i kënaqur, sepse fituam me Partizanin. Ata janë kampionë dhe duhen vlerësuar, por pres më shumë nga ekipi. Kemi bërë një merkato të mirë dhe fillimi i mbarë besoj është gjysma e punës. Kampionati është i gjatë gjithsesi.
Sa besim keni se ky sezon do jetë më i mirë se vjet?
Ne do e vlerësojmë si në ndeshjen e parë, çdo javë të kampionatit, deri në fund. Kampionati është i gjatë dhe i fortë, ekipet janë përforcuar, sidomos 4-5 nga to, por jam i bindur që do jetë sezon më i mirë.
Ka më goditje në merkato?
Besoj se Abazaj është goditja e fundit. Duro nuk ka më nevojë, sepse ka organikën e plotë.
