Drita e Gjilanit kthehet të fitorja në Superligën e Kosovës pas një barazimi dhe një humbjeje në dy takimet paraardhëse. “Intelektualët” triumfuan 4-1 ndaj Drenicës, duke ruajtur vendin e dytë me 13 pikë, dy më shumë se Prishtinë.
Shabani, Namani, Rexha dhe Haxhimusa ishin autorë të golave për ekipin e Ardian Nuhiut, ndërsa për miqtë nga Skënderaj golin e nderit e shënoi Zabërgja.
Përfundoi pa fitues (1-1) takimi mes Besës dhe Feronikelit, me Klodian Duron që ende duhet të presë për të shijuar fitoren e parë në krye të Niklit. Brruti i dha epërsinë skuadrës pejane në minutën e 58-të, ndërsa 13 minuta më vonë Milickovic ktheu baraspeshën në rezultat.
Merr më në fund fitoren e parë në kampionat Llapi, që iu imponua 2-0 Arbërisë me gola të Zhdrellës dhe Januzit.