Në Superligën e Kosovës u luajtën këtë të mërkurë tri ndeshjet e para të javës së 21-të, me protagonistë në fushë ekipet e pjesës së sipërme të renditjes. Ballkani kryesues iu afrua shumë suksesit në fushën e Gjilanit, pasi kryesoi për pak minuta me gol të Zekës, por “skifterët” arritën të barazonin me Nikac, duke shmangur kështu humbjen (1-1).
Prishtina fitoi më shumë terren në garën për titullin, pasi iu imponua 2-0 Dritës, kampione në fuqi, në “Fadil Vokrri”. Golat për ekipin kryeqytetas i realizuan Bekteshi dhe Bardhoku.
Trepça ’89 fitoi me rezultat minimal ndaj Llapit, falë golit të palestinezit Mohamad Darwish. Për mitrovicasit ishte suksesi i dytë radhazi, këtë herë përballë një rivali direkt në tabelën e klasifikimit.