U luajtën so tri nga 6 ndeshjet e javës së 5-të të IPKO Superligës së Kosovës, që prodhuan deri diku rezultate të pritshme. Kështu Gjilani mori fitoren e radhës në kampionat, kundër Ballkanit, me rezultatin minimal 1-0. Golin e vetëm të takimit e realizoi Gerhard Prongi në fillim të pjesës së dytë. Me këtë sukses skuadra e drejtuar nga Gentian Mezani mbetet në krye me 12 pikë, 2 më pak se skuadra tjetër gjilanase, Drita, që barazoi 2-2 në fushën e Llapit. Dy herë kaluan në epërsi vendësit nga Podujeva me Fortunaton, por “intelektualët” po kaq herë kthyen baraspeshën në rezultat me Lecin dhe Maliqin.
Gjen fitoren e parë në IPKO Superligë Prishtina, e cila iu imponua me fitoren 0-1 Tepçës ’89. Golin e vetëm të sfidës së zhvilluar në Mitrovicë e realizoi Januzi.
Këtë të enjte, në orën 16:00, luhen Dukagjini – Ferizaj, Feronikeli – Flamurtari dhe Vushtrria – Drenica.
