Gjilani ka siguruar kualifikimin për në çerekfinalet e Digitalb Kupës së Kosovës, pasi mposhti me rezultatin e thellë 6-1 skuadrën modeste të 2 Korrikut. Dy herë Tomislav Bushic, dy herë Fiton Hajdari, Fjoart Jonuzi dhe Sejdiu ishin autorët e golave për gjilanasit.
Avancoi për në çerekfinale edhe Prishtina që iu fal një goli të Meriton Korenicës në minutën e 37’ me penallti, për të fituar me rezultatin minimal 0-1 në transfertën ndaj Arbërisë.
Bëri surprizën në fazën e 1/8-ave Vushtrria, që fitoi me rezultatin 2-4 në stadiumin “Adem Jashari” të Mitrovicës dhe eliminoi skuadrën e Trepçës nga Digitalb Kupa, ndërsa u kualifikua edhe Liria e Prizrenit, falë fitores minimale 1-0 përballë Ferizajt.