Kryesuesit e Vala Superligës në Kosovë, Llapi i Podujevës u mposht me rezultatin 2-0, në transfertën ndaj Gjilanit. Heroi i këtij takimi ishte sulmuesi gjilanas Rusi, që shënoi të dy golat e fitores, ndërsa Llapi humbi një mundësi të mirë për t’u shkëputur nga ndjekësja më e afërt, Prishtina.
Në takimin e fundit të javës së 14, Ferronikeli mposhti me goleadë Besën në Pejë. Miqtë fituan me rezultatin 0-5, pas dygolëshit të Milicajt, dhe rrjetave të Lushtakut, Arifajt dhe Elshanit.
Pas javës së 14 të Vala Superligës, renditja vijon të kryesohet nga Llapi me 26 pikë, i ndjekur nga Prishtina e Mirel Josës me 25 dhe Gjilani me 23.