Ish mbrojtësi i Luftëtarit, Jackson Ferreira Martinez i është bashkuar skuadrës së Gjilanit në IPKO Superligën e Kosovës.
Lajmi është dhënë nga vetë klubi gjilanas, nëpërmjet një postimi në Facebook, ku anësori brazilian ka pozuar me fanellën e ekipit të tij të ri.
Jackson luan prej dy sezonesh te Luftëtari, duke dhuruar performanca mjaft të mira, por në fund të kampionatit nuk preferoi të rinovojë kontratën e tij me gjirokastritët.
Në Gjilan mbrojtësi i majtë do të gjejë Gentian Mezanin, të cilin e ka pasur trajner për disa muaj edhe te skuadra e Luftëtarit.
Postimi i Gjilanit:
ZYRTARE: Jackson Ferreira lojtari ri i Gjilanit
SC Gjilani ka arritur marrëveshje me futbollistin brazilian Jacskon Ferriera për të qenë pjesë e klubit për edicionin e ardhshëm.
28 vjeçari, Ferriera, i cili luan në pozitën e mbrojtësit të krahut të majtë edicionin e kaluar ishte pjesë e FC Luftëtarit në Kategorinë Superiore, derisa në të kaluarën ishte pjesë e shumë klubeve të njohura në Brazil dhe Greqi.
SC Gjilani njofton se gjatë ditëve në vijim do të ketë shumë risi në afatin kalimtar të verës dhe në ardhjet e reja