Klubi i Gjilanit në IPKO Superligën e Kosovës njofton arritjen e marrëveshjes me futbollistin Fatlind Azizi.
“Klubi ka firmosur me mesfushorin 19-vjeçar, duke e parë si të domosdoshëm për objektivat që janë vënë për këtë edicion. Azizi, i cili luan në rolin e mesfushorit të qendrës, vjen me një përvojë nga kampionati turk. Për dy vite ishte pjesë e të rinjve të Bursasporit dhe Fenerbahçes. Përvoja e tij në kampionatin e të rinjve në Turqi pritet të jetë një ndihmesë e madhe për klubin. Fatlindit i urojmë shumë fat dhe suksese me ngjyrat kuqebardhë këtë edicion,” – shkruhet në njoftimit e Gjilanit.