Trajneri i Kamzës, Ernest Gjoka, nuk e fshehu zhgënjimin pas humbjes me Kastriotin.
“Shumë e vështirë situata, padyshim që jam shumë i zhgënjyer.”
E mendoni dorëheqjen pas këtij rezultati?
Sigurisht që po, do të flas me presidentin dhe do të vendosim.
Pse nuk luajtët gjatë gjithë ndeshjes njësoj?
Ishin dy pjesë të ndryshme, por edhe presioni ishte më i madh. Në pjesën e dytë ishte ndryshme, por pa sukses. Një gol do të sillte ndryshe gjërat.
Keni vështirësi te kjo skuadër?
Sigurisht që kemi, do ta rishoh vendin tim në klub, sepse nuk vazhdohet kështu, nuk kam mënyrë si t’i motivojë lojtarët.
