Trajneri i mirënjohur Ernest Gjoka, foli për Supersport nga Fan Zone në sheshin Skënderbej ku tregoi përballjen e tij me Tottenhamin e Jose Mourinhos në ndeshjen kualifikuese të Europa League teksa ishte në krye të Shkëndijes së Tetovës. Sakaq, Gjoka theksoi se ishte fat takimi me portugezin i cili rezultoi të ishte një person shumë modest.
“Mendoj që është fat, ishte diçka e bukur të kesh një kundërshtar trajner elitar si Mourinho. Ishte diçka e mrekullueshme sepse luanim me Botosanin dhe ata ishin pritur për Mourinhon. Por, fituam ne. të përgatisësh kundër Mourinhon është diçka ndryshe, kam qenë simpatizant i Mourinhos qëkur ishte pjesë e Portos.
E njoh shumë mirë si funksionon, u munduam ta kuptonim lojën e Tottenham. Është bukur dhe fat të takohesh me Mourinhon, të takosh një njeri modest. Kishim hyrë në fushë dhe Mou na njihte dhe na kishte studiuar, në fund edhe mbyllja ishte e bukur”, u shpreh Gjoka.