Trajneri i Kukësit, Ernest Gjoka, e pranon se skuadra e tij nuk duhet të mendojë më për titullin, por që të ruajë vendin e dytëm, që i kërcënohet pikërisht nga Flamurtari.
“Më vjen keq, pasi prodhuam gjithçka dhe nuk patëm fat për të shënuar. Gjithsesi, jam i gëzuar për atë që po prodhojmë. Kryesore ishte që ta kalonim me sukses këtë ndeshje për të mbajtur larg vendin e tretë. Tani duhet të jemi të kujdesshëm, sepse na duhet patjetër vendi i dytë.”
Mungesat: Sot kishim shumë probleme. Përveç mungesave të Dzarias dhe Shametit, mungonin edhe Limaj e Maliqi. Nuk mund të freskoja skuadrën. Futëm Musollin, që sot nuk duhej të luante 90 minuta. Por këto mundësi kemi. Cordiero në mbrojtje? Nuk ishte ky problemi. Në atë krah kemi lojtarë të mirë, por na mungoi fati. Do të ishte ndryshe po të shënonim ato raste në pjesën e parë.
Pësimi i golave: Ndonjëherë skuadrat bëhen të rrezikshme, kështu siç po ndodh me Flamurtarin. Goli i parë ndoshta ishte një mungesë vëmendjeje, por ndodhin në futboll. Edhe Sukaj është një lojtar dinak, që nuk i fal këto raste.